अहमदनगर – जिल्ह्यात मालमत्ता विषयक गुन्ह्याकरिता कुख्यात असलेल्या सागर भांड टोळीवर महाराष्ट्र संघटित गुन्हेगारी नियंत्रण कायदा ( मोक्का) कारवाई करण्यात आली होती. राहुरी पोलीस स्टेशन येथे फिर्यादी मयूर दिलीप देवकर यांनी गु. र. नं 711/21 IPC 395, 397,341,506 आर्म ॲक्ट 4/25 प्रमाणे नुसार गुन्हा दाखल केला होता, सदर गुन्हा कुख्यात सागर भांड टोळीने केल्याचे निष्पन्न झाल्यानंतर सागर भांड सह टोळीतील अन्य पाच सदस्यांना अटक करण्यात आली होती.
सागर भांड टोळी ही कोणताही कामधंदा न करता संघटीत पणे बेकायदेशररित्या स्वतःच्या आर्थिक फायद्या करिता हिंसाचाराचा वापर करून , हिंसाचार करण्याची धमकी देऊन तसेच धाक दपटशहा दाखवून जबरदस्तीने जबरी चोरी, दरोडा टाकून दहशत करीत होती. या गुन्ह्यातील विशेष बाब म्हणजे टोळीप्रमुख सागर भांड चे वडील पुणे पोलीस दलामध्ये कार्यरत होते .तरी देखील सदरक्षणाय खलनिग्रहणाय या उक्तीप्रमाणे गुन्हेगारास कुठल्याही प्रकारची सहानुभूती न दाखवता जास्तीत जास्त कठोर कारवाई करण्याचा प्रयत्न अहमदनगर पोलीस यांचेकडून करण्यात आला आहे.
सदर गुन्ह्याची गांभीर्याने दखल घेऊन मोक्का अंतर्गत कारवाई करण्याचा प्रस्ताव मा. विशेष पोलीस महानिरीक्षक नाशिक यांना सादर केला होता. सदर प्रस्तावास त्यांनी मंजुरी दिली असून तपास Dysp संदीप मिटके यांच्या कडे वर्ग करण्यात आला होता. सागर भांड विरुद्ध दरोडा, अपहरण, फसवणूक, अवैध शस्त्र वापर असे तब्बल 27 गंभीर गुन्हे दाखल आहेत.
सदर गुन्ह्याचा तपास करत असताना हा गुन्हा फौजदारी कट रचून करण्यात आल्याचे निष्पन्न झाल्याने 120( ब), व गुन्हा करून पुरावे नष्ट केला म्हणून 201 भा.द.वि.कलमाप्रमाणे तपासी अधिकारी यांचेकडून या गुन्ह्यास वाढीव कलमे लावण्यात आली.
सदर गुन्ह्यात कुख्यात सागर भांड टोळी विरुद्ध महाराष्ट्र संघटित गुन्हेगारी नियंत्रण अधिनियम 1999चे कलम 3(1) (ii) ,3(2), व 3(4)(मोक्का) अन्वये मा अपर पोलीस महासंचालक सो (का व सू) महाराष्ट्र राज्य मुंबई यांचेकडील आदेश क्रमांक No.DGP/23/54/MCOCA/18/2022 दिनांक 07/03/2022 अन्वये न्यायालयात दोषारोपपत्र दाखल करण्याची परवानगी मिळाली. Dysp संदीप मिटके यांनी सदर गुन्ह्याचे दोषारोपपत्र विशेष मोका न्यायालयात दाखल केले.
