अहमदनगर – ब्युटी पार्लरचा व्यवसाय करणाऱ्या महिलेच्या नावे इंस्टाग्रामवर बनावट अकाउंट तयार करून बदनामी केल्याची घटना घडली आहे. याप्रकरणी येथील सायबर पोलीस ठाण्यात पारनेर तालुक्यातील महिलेने दिलेल्या फिर्यादीवरून भादंवि कलम ५०० सह आयटी अॅक्ट कलम ६६ (सी) प्रमाणे एकावर गुन्हा दाखल करण्यात आला आहे.
२३ जानेवारी २०२२ रोजीच्या पूर्वी ही घटना घडली असून गुरूवार, ३ मार्च २०२२ रोजी हा गुन्हा दाखल झाला आहे. आरोपीने फिर्यादी यांच्या नावाचा व फोटोचा वापर करून इंस्टाग्रामवर बनावट केले. अकाउंट तयार सदर अकाऊंटवरून फिर्यादीच्या मैत्रिणीला मेसेज करून फिर्यादीची बदनामी केली. हा प्रकार २३ जानेवारी २०२२ रोजीच्या पूर्वी घडला असल्याचे फिर्यादीत म्हटले आहे.
आपल्या नावे बनावट अकाऊंट असल्याचे फिर्यादी यांच्या लक्षात येताच त्यांनी सायबर पोलीस ठाण्यात फिर्याद दिली आहे. पोलिसांनी गुन्ह्याची नोंद केली असून पुढील तपास पोलीस निरीक्षक ज्ञानेश्वर भोसले करीत आहेत.
