अहमदनगर – मुलीचे लग्न लावून देण्यास नकार दिल्याने शिवीगाळ करत कोयत्याने वार केला. ही घटना गुरुवारी (दि. १०) रोजी रात्री घडली. याप्रकरणी तोफखाना पोलीस ठाण्यात गुन्हा दाखल करण्यात आला आहे.
आकाश बाळू गायकवाड (वय-२३, रा. सिव्हिल हडको, नगर) असे गुन्हा दाखल झालेल्याचे नाव आहे. सुभाष रामदास खळे (रा. यांनी याबाबत फिर्याद दिली आहे. आरोपी गुरुवारी रात्री फिर्यादीच्या राहत्या घरी आला.
त्यामुळे मुलीचे लग्न आपल्यासोबत लावून देण्याची मागणी केली. फिर्यादी यांनी त्यास नकार दिल्याने आरोपी याने शिवीगाळ करत कोयत्याने वार केला. तसेच आरोपीने फिर्यादीला जीवे मारण्याची धमकी दिली. या प्रकरणी गुन्हा दाखल करण्यात आला असून पुढील तपास तोफखाना पोलीस करत आहेत.
