अहमदनगर – 23 जानेवारी रोजी Dysp संदीप मिटके यांना गुप्त बातमीदारा मार्फत श्रीरामपूर तालुक्यातील हरेगाव आऊटसाईड आणि श्रीरामपुर शहरातील सूतगिरणी येथे गावठी हातभट्टी दारू अड्डे व हातभट्टी दारू तयार करत आहेत अशी खात्रीशीर माहिती मिळाल्याने त्यांनी आपले पथकातील अधिकारी व अंमलदार यांना सदर ठिकाणी जाऊन छापा टाकण्याचे आदेश दिल्याने पथकातील अधिकारी व अंमलदार यांनी हरेगाव आऊट साईड परिसरातील सर्व गावठी हातभट्टी दारू अड्ड्यावर छापा टाकून गावठी हातभट्टी दारू तयार करण्याचे कच्चे रसायन, तयार गावठी हातभट्टी दारू यांचा नाश करण्यात आला .
या कारवाईत रणजीत लक्ष्मण गायकवाड, सुधीर काशिनाथ गायकवाड आणि मिनाबाई श्याम पवार यांना अटक करण्यात आली आहे. तर त्यांच्याजवळ असणाऱ्या एकुण 1 लाख 34 हजार रुपयांचे मुद्देमाल जप्त करण्यात आले आहे.
प्रोहिबिशन गुन्ह्याचा माल आरोपींचे ताब्यातून जप्त केला असून सर्व आरोपींविरुद्ध श्रीरामपूर तालुका व श्रीरामपूर शहर पोलीस स्टेशन येथे, मुंबई दारूबंदी कायदा कलम 65 ( फ) (क) (ड ) (ई) प्रमाणे गुन्हे दाखल करण्यात आले आहे.
भल्या पहाटे अचानक झालेल्या व लागोपाठ सुरू असलेल्या कारवाईमुळे हरेगाव आऊटसाईड परिसरातील अवैध धंदेचालकांचे धाबे दणाणले असून सदर कारवाई चे हरेगाव व श्रीरामपूर शहर परिसरातील महिलांनी Dy.s.p. संदीप मिटके व त्यांचे पथकाचे कौतुक करून आभार व्यक्त केले.
सदरची कारवाई मनोज पाटील पोलीस अधीक्षक, अपर पोलीस अधीक्षक स्वाती भोर यांचे मार्गदर्शनाखाली Dysp संदीप मिटके, ASI राजेंद्र आरोळे, HC सुरेश औटी, पो. कॉ. नितीन शिरसाठ आदींनी केली.
