अहमदनगर- Dy.s.p. संदीप मिटके यांना गुप्त बातमीदार मार्फत श्रीरामपुर तालुक्यातील टाकळीभान येथे गावठी हातभट्टी दारू अड्डे व हातभट्टी दारू तयार करत आहेत अशी खात्रीशीर माहिती मिळाल्याने त्यांनी आपले पथकातील अधिकारी व अंमलदार यांना सदर ठिकाणी जाऊन छापा टाकण्याचे आदेश दिल्याने पथकातील अधिकारी व अंमलदार यांनी टाकळीभान परिसरातील सर्व गावठी हातभट्टी दारू ड्ड्यावर छापा टाकून गावठी हातभट्टी दारू तयार करण्याचे कच्चे रसायन, तयार गावठी हातभट्टी दारू यांचा नाश करण्यात आला.
या कारवाईत Dy.s.p संदीप मिटके आणि त्यांच्या पथकाने तीन आरोपींना अटक केली.लक्ष्मण परसराम बिरसने,शांताबाई गणपत जाधव आणि आशाबाई शिवाजी पवार असे अटक करण्यात आलेल्या आरोपींचे नाव आहे.
तिन्ही आरोपी कडून एक लाख 28 हजार 750 रुपयांचा मुद्देमाल जप्त करण्यात आला आहे. तर पोलीस कॉन्स्टेबल नितीन शिरसाठ यांचे फिर्यादीवरून श्रीरामपूर तालुका पोलीस स्टेशन येथे, मुंबई दारूबंदी कायदा कलम 65 ( फ) (क) (ड ) (ई) प्रमाणे गुन्हे दाखल करण्यात आले आहे.
सदरची कारवाई मनोज पाटील पोलीस अधीक्षक, अपर पोलीस अधीक्षक स्वाती भोर यांचे मार्गदर्शनाखाली Dysp संदीप मिटके, ASI राजेंद्र आरोळे, HC सुरेश औटी, PC नितीन शिरसाठ आदींनी केली.
