नगर : उत्तर प्रदेशातील (Uttar Pradesh) कासगंज जिल्ह्यातुन एक धक्कादायक बातमी समोर आली आहे. या ठिकाणी मोठा रस्ता अपघात (Accident) झाला आहे. सकाळी दहा वाजण्याच्या सुमारास पटियाली-दरियावगंज रस्त्यावर भाविकांनी भरलेली ट्रॅक्टर ट्रॉली नियंत्रणाबाहेर जाऊन तलावात पडली. तलावात गेल्याने ट्रॅक्टर ट्रॉली उलटली. यामध्ये बहुसंख्य भाविक समाधिस्थ झाले. आतापर्यंत १५ जणांचा या अपघातात मृत्यू झाला आहे.
जखमी भाविकांवर जिल्हा रुग्णालयात उपचार सुरू (UP Kasganj Accident)
या अपघातातील मृतांमध्ये आठ महिला आणि लहान मुलांचा समावेश आहे. अनेक गंभीर जखमी भाविकांवर जिल्हा रुग्णालयात उपचार सुरू आहेत. घटनास्थळापासून जिल्हा रुग्णालयापर्यंत गोंधळाचे वातावरण निर्माण झाले आहे. डीएम, एसपी आणि इतर प्रशासकीय आणि पोलिस अधिकारी घटनास्थळी पोहोचले आहेत. मदत आणि बचावकार्य सुरू आहे. मृतांमध्ये एकाच कुटुंबातील अनेकांचा समावेश आहे. प्रशासनाने आतापर्यंत १५ जणांच्या मृत्यूची माहिती दिली आहे.
मुख्य वैद्यकीय अधिकारी डॉ. राजीव अग्रवाल यांनी सांगितले की, पटियालीच्या सीएचसीमध्ये सात मुले आणि आठ महिलांना मृत घोषित करण्यात आले आहे. रुग्णवाहिकेने जिल्हा रुग्णालयात आणलेल्या इतर जखमींच्या चाचण्या सुरू आहेत. मृतांचा आकडा वाढण्याची शक्यता आहे. त्यामुळे परिस्थिती अधिक गंभीर आहे.
जखमींना तातडीने उपचार देण्याचे योगी आदित्यनाथ यांचे निर्देश (UP Kasganj Accident)
या घटनेबद्दल तीव्र दु:ख व्यक्त करत मुख्यमंत्री योगी आदित्यनाथ यांनी पीडितांच्या कुटुंबीयांच्या संवेदना व्यक्त केल्या आहेत. मुख्यमंत्र्यांनी कासगंज जिल्ह्यातील अधिकाऱ्यांना अपघातातील जखमींना तातडीने उपचार देण्याचे निर्देश देऊन बचाव कार्याच्या दृष्टीने जलद प्रतिसाद देण्याचे आदेश दिलेत. कासगंज जिल्ह्यातील पटियाली पोलिस ठाण्यांतर्गत येणाऱ्या जागेवर तातडीने मदतीसाठी संसाधने गोळा करण्याचे आवाहन अधिकाऱ्यांना केले.
