Pune News:- पुणे शहर हे महाराष्ट्रातील एकप्रमुख शहरी केंद्र असून त्याचा वेगाने होत असलेला विकास, विशेषतः ईशान्य भागातील नागरीकरण, वाहनांची वाढती संख्या आणि अपुऱ्या वाहतूक सुविधा या साऱ्या घटकांनी शहराच्या वाहतूक व्यवस्थेवर मोठा ताण निर्माण केला आहे.
याच पार्श्वभूमीवर पुणे महानगरपालिकेने (पुणे महापालिका) विमानतळ क्षेत्र एकात्मता आराखड्यासह नगर रस्त्यासाठी एक सर्वसमावेशक मोबिलिटी प्लॅन तयार करण्याचा निर्णय घेतला आहे. हा आराखडा तयार करण्यामागचा प्रमुख उद्देश म्हणजे ईशान्य भागातील वाहतूककोंडीची समस्या कमी करणे आणि दीर्घकालीन उपाययोजना आखणे हा आहे.
पुण्यातील या परिसरात वाहनांची संख्या जास्त
नगर रोड, विश्रांतवाडी, विमाननगर, पुणे विमानतळ परिसर आणि वाघोली हे भाग अलीकडच्या काही वर्षांत गतीने विकसित झाले असून येथे निवासी वसाहती, आयटी पार्क्स, व्यावसायिक व शैक्षणिक संस्थांची संख्या मोठ्या प्रमाणात वाढली आहे. परिणामी, या परिसरातील रस्त्यांवर वाहनांची संख्या झपाट्याने वाढत असून वाहतूककोंडी आणि याच समस्यांवर तोडगा काढण्यासाठी महापालिकेने काही महत्त्वाचे पावले उचलली आहेत. सदलबाबा चौक व शास्त्रीनगर चौक येथे उड्डाणपूल व ग्रेड सेपरेटर उभारण्याचा प्रस्ताव असून, हे प्रकल्प वाहतूक प्रवाह सुकर करण्यात मदत करतील.
तसेच, वनाज-रामवाडी मेट्रो मार्गाचा विस्तार वाघोलीपर्यंत करण्याचा निर्णय घेण्यात आला आहे. या मेट्रो प्रकल्पामुळे सार्वजनिक वाहतुकीला चालना मिळेल आणि खासगी वाहनांवरील अवलंबन काही प्रमाणात कमी होईल.
याशिवाय, महाराष्ट्र स्टेट इन्फ्रास्ट्रक्चर डेव्हलपमेंट कंपनी लिमिटेड (एमएसआयडीसीएल) ने विमाननगर ते शिरूरदरम्यान एलिव्हेटेड उड्डाणपूल प्रस्तावित केला आहे. यामुळे वाहतुकीचा मोठा भार कमी होईल अशी अपेक्षा आहे.
रिंग रोड आणि एलिव्हेटेड रोड महत्त्वाचे प्रकल्प
राज्य सरकारच्या पुढाकाराने रिंगरोड प्रकल्प आणि पुणे ते शिरूरदरम्यान ५३ किमी लांबीचा एलिव्हेटेड रोड तयार करण्याची योजना ही देखील वाहतूक व्यवस्थापनाच्या दृष्टीने मैलाचा दगड ठरेल. या सर्व योजनांचा एकत्रित विचार करून पुणे महापालिकेने सल्लागार नेमण्याची प्रक्रिया सुरू केली असून, त्यासाठी दोन निविदा प्राप्त झाल्या आहेत. या प्रक्रियेनंतर लवकरच अंतिम सल्लागाराची नियुक्ती धडक दिली. अपघातानंतर त्यांना तातडीने खासगी रुग्णालयात दाखल करण्यात आले, परंतु उपचारादरम्यान त्यांचा मृत्यू झाला.
या घटनेमुळे पुन्हा एकदा शहरातील वाहतुकीच्या सुरक्षेचा प्रश्न ऐरणीवर आला आहे. कारचालकावर डेक्कन पोलिसांनी गुन्हा दाखल केला असून तपास पोलीस उपनिरीक्षक सावंत करीत आहेत.
पुण्यातील वाहतूक समस्या ही एक दीर्घकालीन आणि बहुआयामी समस्या आहे. तिचे निराकरण करण्यासाठी एकीकडे पायाभूत सुविधा वाढवणे, सार्वजनिक वाहतुकीला प्रोत्साहन देणे आणि वाहतुकीचे योग्य नियोजन करणे आवश्यक आहे. या सर्व गोष्टींचा समन्वय साधून तयार होणारा मोबिलिटी प्लॅन पुणे शहराच्या वाहतूक व्यवस्थापनात निश्चितच सकारात्मक बदल घडवून आणेल, अशी अपेक्षा आहे.
