Goa Election Result 2022: गोवा विधानसभा निवडणुकीत (Goa Election Result 2022) यंदा नशीब आजमवणाऱ्या तृणमूल काँग्रेस पक्षाला (Congress) खास कामगिरी करता आलेली नाही. समोर आलेल्या माहितीनुसार टीएमसी कोणत्याही जागेवर आघाडी घेऊ शकलेली नाही. गोवा विधानसभेसह (Goa Assembly Election) इतर चारही राज्यातील निवडणूकांचे निकाल सकाळपासूनच समोर येत आहेत. यात पंजाब वगळता चारही राज्यात भाजपने आपली छाप सोडत सर्वाधिक जागांवर विजय मिळवला आहे. दरम्यान मागील वर्षी पश्चिम बंगालमध्ये भाजपचा विजयी रक्ष थांबवणाऱ्या ममत बॅनर्जींच्या तृणमूल काँग्रेस (TMC) पक्षाला गोव्यात मात्र जादू दाखवता आलेली नाही.
गोव्यात पहिल्यांदाच तृणमूल काँग्रेस (TMC) निवडणूक लढवत आहे. पण इलेक्शन कमिशनच्या वेबसाइटवरील माहितीनुसार टीएमसी एकही जागेवर आघाडी घेऊ शकलेली नाही. आतापर्यंत समोर आलेल्या माहितीनुसार भाजपने सर्वाधिक 20 जागांवर विजय मिळवला आहे. तर काँग्रेस 10, आप, गोमंतक यांनी प्रत्येकी 2 आणि जागांवर विजयी आहे. याशिवाय अपक्ष उमेदवारांनी 3 जागांवर विजय मिळवला आहे.
टीएमसी गोवा पक्षाने (TMC in Goa) त्यांच्या ट्वीटर हँडलवर दिलेल्या माहितीनुसार, “आम्ही जनतेचा हा आदेश विनम्रपणे मान्य करतो. आम्ही गोवा वासियांचा विश्वास आणि प्रेम मिळवण्यासाठी आणखी कसून मेहनत करु. आम्हाला कितीवेळ लागेल याने फरक पडत नाही. पण आम्ही जनतेची सेवा कायम ठेवू.”
