Earthquake in Jammu Kashmir : जम्मू-काश्मीरमधील काश्मीर खोरे आणि जम्मूतील संभागमध्ये शनिवारी भूकंपाचे तीव्र झटके जाणवले. भूंकपाचे झटके जाणवताच लोकांनी घराबाहेर धाव घेतली. भूकंपाचे धक्के काही सेकंद जाणवले. मात्र, या दरम्यान घर, जमीन हलत होती. त्यामुळे नागरिकांमध्ये भीतीचे वातावरण पसरले. या भूंकपामुळे जीवितहानी झाली नसल्याचे वृत्त आहे.
अफगाणिस्तान-ताजिकिस्तान सीमावर्ती भागात शनिवारी सकाळी ९.४५ वाजता ५.७ रिश्टर स्केल तीव्रतेचा भूकंप झाला. पाकिस्तानच्या इस्लामाबादच्या पश्चिमेला शनिवारी सकाळी भूकंपाचे धक्के जाणवले. या भूकंपाच्या परिणामी जम्मू-काश्मीर आणि दिल्ली एनसीआरच्या काही भागात भूकंपाचे धक्के बसले.
भूकंपाचे धक्के जाणवल्यावर अजिबात घाबरू नका. सर्वप्रथम तुम्ही एखाद्या इमारतीत असाल तर इमारती बाहेर या आणि मोकळ्या मैदानावर, जागेवर उभे राहा. इमारतीतून उतरताना लिफ्टचा वापर टाळावा. भूकंपाच्या वेळी लिफ्टचा वापर करणे धोकादायक ठरू शकते. त्याच वेळी, इमारतीतून खाली उतरणे शक्य नसल्यास, जवळ असलेल्या टेबलखाली किंवा पलंगाखाली लपून राहा.
