Covid Vaccine : 28 फेब्रुवारीला वापराविना बाद झालेल्या म्हणजेच एक्सपायर्ड होणार्‍या AstraZeneca COVID-19 लसीचे 840,000 डोस केनिया देश नष्ट करेल. आरोग्य मंत्रालयाच्या एका वरिष्ठ अधिकाऱ्याने ही माहिती दिली आहे. या लसी जानेवारीमध्ये कोवॅक्स सुविधेद्वारे देणगी म्हणून प्राप्त झालेल्या 2.2 दशलक्ष डोसचा एक भाग असून देशभरात वितरित करण्यात आल्या होत्या, सिन्हुआ वृत्तसंस्थेने मंत्रालयाचे कॅबिनेट सचिव, मुताही कागवे यांनी ही माहिती दिली आहे.
कागवे यांनी सांगितले, केनियातील लोकांमधील असंतुष्टता आणि लसीबाबत वाढत्या संकोचमुळे या लसी कालबाह्य झाल्याचे सांगण्यात येत आहे. कोरोनाचा सकारात्मकता दर आणि COVID-19 प्रवेशांमध्ये घट झाल्यामुळे केनियातील लोक संतुष्ट आहेत. फेब्रुवारीच्या सुरुवातीस नोंद झाल्याप्रमाणे लसींचे प्रमाण 2,52,000 वरून दैनिक लसीकरण दर दररोज 30,000-40,000 पर्यंत घसरले आहेत,”
ते पुढे म्हणाले की, केनियाच्या नागरिकांकडून दुसऱ्या लसींना पसंती देण्यात आल्यामुळे अॅस्ट्राझेनेका लसींना कमी पसंती मिळाली आहे. विशेषत: लसींबाबत चुकीची माहिती आणि अफवांमुळे इथले नागरिक लस घेताना संकोच करत आहोत.” संपूर्ण आफ्रिका, युगांडा, मलावी, सेनेगल आणि नायजेरियामध्येही लस कालबाह्य झाल्याची नोंद झाली आहे.
कागवेंच्या मते, केनियाला आतापर्यंत AstraZeneca, Moderna, Pfizer, Sinopharm आणि Johnson & Johnson ब्रँड्सचे सुमारे 27 दशलक्ष लसीचे डोस मिळाले आहेत आणि त्यापैकी 17.4 दशलक्ष देण्यात आले आहेत. या देशात आतापर्यंत आठ दशलक्ष लोकांना पूर्णपणे लसीकरण करण्यात आले आहे.
