शासकीय, निमशासकीय कार्यालये आणि खासगी आस्थापनांनी तिमाही विवरणपत्र सादर करण्याचे आवाहन
अहमदनगर: जिल्हयातील सर्व शासकीय, निमशासकीय तसेच खाजगी आस्थापनांना सुचित करण्यात येते की, केंद्र शासनाने सेवायोजन कार्यालये रिक्तपदे अधिसूचित करण्याची सक्ती करणारा कायदा 1959 व नियमावली 1960 अन्वये जिल्हयातील सर्व शासकीय, निमशासकीय व खाजगी कार्यालये,आस्थापनांनी त्यांच्या आस्थापनेमध्ये, कार्यालयामध्ये कार्यरत असणा-या मनुष्यबळाची माहिती प्रत्येक तिमाही संपताच विवरणपत्र (ईआर-1) सादर करणे कायद्याने बंधनकारक आहे. शासनाच्या प्रचलीत नियमानुसार उद्योजकांना 1 महिना अतिरिक्त ग्रेस पीरिअड म्हणून 30 जुलै 2021 पुर्वी ऑनलाईन पाठवीता येऊ शकते.
तरी जिल्हयातील सर्व कार्यालय, आस्थापना प्रमुखांना आवाहन करण्यात येते की, आपल्या आस्थापनेमध्ये, कार्यालयामध्ये कार्यरत असणा-या मनुष्यबळाचे माहे एप्रिल ते जून 2021 या तिमाहीचे त्रैमासिक विवरणपत्र (ईआर-1) कौशल्य विकास रोजगार व उद्योजकता आयुक्तालय, महाराष्ट्र शासन या विभागाच्या http://rojgar.mahaswayam.gov.in या वेबपोर्टलवर ऑनलाईन भरणे आवश्यक आहे. विवरणपत्र (ईआर-1) विहीत मुदतीत ऑनलाईन न भरल्यास कयद्यातील कलम 4(1), 4(2) व 5(1), 5(2)नुसार कार्यवाही करण्यात येईल. तरी याबाबत संबंधीत आस्थापना, कार्यालय प्रमुखांनी नोंद घ्यावी.
तसेच याबाबत काही अडचण असल्यास जिल्हा कौशल्य विकास रोजगार व उद्योजकता मार्गदर्शन केंद्र, आकाशवाणी केंद्राजवळ, सावेडी, अहमदनगर या कार्यालयास प्रत्यक्ष अथवा 0241- 2425566 या दुरध्वनीव्दारे संपर्क साधावा असे आवाहन कार्यालयाचे सहायक आयुक्त व्ही. जे. मुकणे यांनी केले आहे.*
