- अहमदनगर युवा सेनेचे सहसचिव विक्रम राठोड यांना रामनवमी मिरवणुकीत धक्का देऊन, तसेच कोयत्याचा धाक दाखवून जीवे मारण्याची धमकी दिल्या प्रकरणी कोतवाली पोलिसात गजेंद्र प्रकाश सेंदर (रा. नगर) याच्यासह चार ते पाच जणांविरुद्ध गुन्हा दाखल करण्यात आला आहे.
- याबाबत राठोड यांनी कोतवाली पोलिस ठाण्यात फिर्याद दिली आहे. दि. १० एप्रिल रोजी राठोड हे नेताजी सुभाष चौकात रामनवमी मिरवणुकीच्या स्वागतासाठी उभे होते. त्यांनी व त्यांच्या सहकार्यांनी मिरवणुकीचे म्हटले आहे.
- स्वागत करून मिरवणुकीत नाचत असताना गजेंद्र सैदर याने राठोड यांना धक्का दिला त्याच्यासोबत आलेल्या त्याच्या साथीदारांनी राठोड यांना मारण्याच्या उद्देशाने त्यांना घेराव घातला. राठोड यांच्या सहकार्यांनी त्यांना तेथून बाहेर काढले.
- त्यानंतर दहा मिनिटांनी मिरवणुकीतून जात असताना गजेंद्र सैदर याने कोयत्याचा धाक दाखवून राठोड यांना जीवे मारण्याच्या उद्देशाने तू इकडे ये, मिरवणुकीत तुझा काटाच काढतो, असा दम दिला. सेंदर व त्याचे साथीदार काही दिवसांपासून जीवे मारण्याच्या उद्देशाने राठोड यांचा पाठलाग करत असल्याचेही फिर्यादीत महटले आहे
