अनलॉकच्या प्रक्रियेनंतर पुन्हा चित्रीकरणाला वेग आला आहे. काही महिन्यांपूर्वी घोषणा झालेल्या ‘रुप नगर के चीते’ या मराठी चित्रपटाचं पहिलं पोस्टर प्रदर्शित झाल्यानंतर प्रेक्षकांनाही या चित्रपटाची उत्सुकता आहे.
फिल्ममेकर विपुल अमृतलाल शाह यांचे पुतणे संगीतकार मनन शाह आणि युवा दिग्दर्शक विहान सूर्यवंशी या जोडगोळीच्या ह्या चित्रपटाचे चित्रीकरण आता अंतिम टप्प्यात आहे. एस एंटरटेन्मेंटच्या बॅनरखालील येणारा हा चित्रपट दोन बालमित्रांचा रोमहर्षक प्रवास आणि एका घटनेनंतर त्यांचं दोन भिन्न शहरांतील विरोधाभासी जीवन दर्शवणारा आहे. मैत्रीतील आजवर कधीही न उलगडलेले काही दुर्लक्षित पैलू यात सादर करण्यात येणार आहेत. पुणे आणि बंगळूर शहर परिसरातील या चित्रपटाचे चित्रीकरण अंतिम टप्प्यात आहे.
