नगर शहरात सामाजिक कार्यात अग्रेसर असणारी महिला रेखा जरे यांची पारनेर तालुक्यातील जातेवगाव घाटात हत्या करण्यात आली आहे. केवळ वाहनाला कट मारला म्हणून अज्ञात व्यक्तींना त्यांची गाडी आडवून त्यांच्यावर धारधार हत्याराने वार केले. यात त्यांचा मृत्यू झाल्याची धक्कादायक माहिती समोर आली आहे. हा प्रकार सोमवार दि. 30 रोजी रात्री 8 वाजण्याच्या सुमारास घडला आहे. याप्रकरणी नगर पोलीस व सुपा पोलिसांनी तपास सुरू केला असून ही सुपारी देऊन हत्या घडवून आणली आहे की, कोणी खून केला आहे असे प्रश्न आता समोर येऊ लागले आहे. याबाबत मात्र, अद्याप पोलीस प्रशासनाने तपास सुरू असल्याची प्रतिक्रीया दिली
याबाबत सविस्तर माहिती अशी की, रेखा जरे या पुण्याला त्यांच्या नातेवाईकांना भेटण्यासाठी गेल्या होत्या. पुण्याहून येत असताना त्या सुपा पोलीस ठाण्याच्या हाद्दीत असणारा जातेगाव घाट पार करीत असताना अचानक अज्ञात व्यक्ती आल्या व त्यांनी त्यांच्या गाडीला कट मारण्याचा बहाणा करुन विचारणा केली. त्यावर जरे त्यांना म्हणाल्या की, तुला कळते का? तू कोणाला बोलतो आहे. आम्ही धक्का वैगरे काही दिला नाही. यात त्यांची बाचाबाची झाली. जरे यांनी गाडीची काच खाली घेताच एका आरोपीने यांच्यावर गळ्यावर धारधार शस्त्राने थेट हल्ला केला. तर त्यांनी गाडीचे फोटो काढून नंतर ते हल्लेखोर पसार झाले. मात्र, जरे यांच्यासोबत गाडीत असणार्‍या दोन महिला व त्यांचा मुलगा हे घाबरुन गेले. मात्र, तरी देखील त्यांनी आरोपींचे फोटो काढले नंतर जखमी आवस्थेत त्यांनी जरे यांनी जिल्हा रुग्णालयात दाखल करण्याचा प्रयत्न केला, मात्र तोवर फार उशिर झाला होता.
