मुंबई : मुंबईतील गोरेगाव येथे आज ७ मजली इमारतीला लागलेल्या भीषण आगीत सहा जणांचा मृत्यू झाला असून ४० जण जखमी झाले आहेत.
आगीत मृत्युमुखी पडलेल्या सहा जणांपैकी एक पुरुष आणि पाच महिलांचा समावेश असून, दोन अल्पवयीन आहेत. जखमी झालेल्या 40 लोकांपैकी 12 पुरुष आणि 28 महिला आहेत, त्यात एका अल्पवयीनाचा समावेश आहे.
जखमींना मुंबईतील एचबीटी हॉस्पिटल आणि कूपर हॉस्पिटल या दोन हॉस्पिटलमध्ये नेण्यात आले.
बृहन्मुंबई महानगरपालिकेने (बीएमसी) सांगितले की, गोरेगाव पश्चिमेकडील आझाद नगर परिसरातील जय भवानी इमारतीला पहाटे तीनच्या सुमारास आग लागली. जखमी रहिवाशांना जोगेश्वरी येथील ट्रॉमा सेंटर आणि जुहू येथील कूपर रुग्णालयात नेण्यात आले.
आगीचे कारण अद्याप तपासात आहे.
