अहमदनगर -जागतिक महामारी कोरोनाने नागरिक त्रस्त असतानाच साथीच्या आजारांनी डोके वर काढले आहे. वातावरणामुळे छोटे-मोठे आजार सुरू आहेत. त्यामुळे प्रत्येक घरात रुग्ण असल्याचे दिसून येते. सध्याची परिस्थिती पाहता महागडे उपचार घेणे नागरिकांच्या आवाक्याबाहेरचे झाले आहे. अशा परिस्थितीत अनेक डॉक्टर व सामाजिक संस्था पुढे येऊन समाजाची सेवा करण्याच्या उद्देशाने सर्वरोग निदान शिबिरांचे आयोजन करीत आहे. अल-कौसर क्लिनिकच्या सहकार्याने व माजी नगरसेवक मुद्दसर शेख यांच्या वतीने मुकुंदनगर भागातील नागरिकांसाठी हे शिबिर आयोजिण्यात आले आहे. या माध्यमातून जनतेची सेवा करण्याचा चांगला प्रयत्न आहे. समाजामध्ये सामाजिक भावना जागृत असल्याचेच हे द्योतक आहे. सर्वरोग निदान शिबिराच्या माध्यमातून जनतेची आरोग्य सेवा करण्याचा हा उपक्रम स्पृहणीय असल्याचे प्रतिपादन आ. संग्राम जगताप यांनी केले.अल-कौसर क्लिनिकच्या सहकार्याने व माजी नगरसेवक मुद्दसर शेख यांच्या वतीने आयोजित सर्वरोग निदान शिबिरप्रसंगी आ. संग्राम जगताप बोलत होते. याप्रसंगी अक्षय कर्डिले, असलम शेख, हाजी साबीर शेख, अब्दुल कादिर बागवान, अब्दुस सलामभाई, सय्यद अर्शद, मोहम्मद शरीफ अ. गनी, डॉ. अशपाक पटेल, डॉ. एम. के. शेख, डॉ. शेख हसीना मुद्दसर, डॉ. कौसर आफरीन, तनवीर चष्मेवाला, लाला खान, अंकुश चक्कर, गजेंद्र भांडवलकर, फिरोज कुरेशी, हुजेर खान, फारूक शेख, समीर सय्यद, फिरोज शेख आदी उपस्थित होते. दर्गा दायरा रोड, मुकुंदनगर येथे क्लिनिकची तिसरी शाखा सुरू करण्यात आली असून, तेथेच हे शिबिर घेण्यात आले. या शिबिराचा सुमारे 400 ते 500 रुग्णांनी लाभ घेतला.आ. जगताप पुढे म्हणाले की, माजी नगरसेवक मुद्दसर शेख यांनी या परिसरात चांगले काम उभे केले असून, सर्वसामान्यांच्या मदतीसाठी ते कायम झटत असतात. त्यांनी शिबिराचे आयोजन केल्यामुळे परिसरातील रुग्णांच्या अडचणी दूर होण्यास मदत झाली, असे ते म्हणाले.अक्षय कर्डिले म्हणाले की, परिस्थितीअभावी अनेकजण इच्छा असूनही उपचार घेत नाहीत. आजाराकडे दुर्लक्ष करतात. अशांसाठी अनेक सामाजिक दिवसेंदिवस पुढे येऊन रुग्णांची सेवा ईश्‍वर सेवा मानून मोफत सेवा देत आहेत. त्यामुळेच आजच्या परिस्थितीत सर्वरोग निदान शिबिरांची गरज आहे. अल-कौसर क्लिनिकची ही तिसरी शाखा असून, ते चांगले काम करीत आहेत. अधिकाधिक रुग्णाभिमुख सेवा द्यावी, असे ते म्हणाले.माजी नगरसेवक मुद्दसर शेख म्हणाले की, अल-कौसर क्लिनिक आयोजित सर्वरोग निदान शिबिरात रुग्णांची तपासणी करून त्यांच्यावर उपचार करण्यात आले, तसेच गरजूंना मोफत औषधे देण्यात आली. रक्तातील साखरेची तपासणी करून योग्य असे मार्गदर्शन देण्यात आले. परिस्थितीचा विचार करूनच हे शिबिर आयोजित केले. विविध भागात गरज असेल, तेथे अशा प्रकारचे शिबिर आयोजित करण्याचा प्रयत्न राहील, असे सांगितले.मा. संपादकदै.अहमदनगर.कृपया प्रसिद्धीसाठी.माजी नगरसेवक मुद्दसर शेख व अल-कौसर क्लिनिकच्या सहकार्याने यांच्या वतीने मुकुंदनगर भागत आयोजित सर्वरोग निदान शिबिरप्रसंगी आ. संग्राम जगताप, अक्षय कर्डिले, असलम शेख, हाजी साबीर शेख, अब्दुल कादिर बागवान, अब्दुस सलामभाई, सय्यद अर्शद, मोहम्मद शरीफ अ. गनी, डॉ. अशपाक पटेल, डॉ. एम. के. शेख, डॉ. शेख हसीना मुद्दसर, डॉ. कौसर आफरीन, तनवीर चष्मेवाला, लाला खान, अंकुश चक्कर, गजेंद्र भांडवलकर, फिरोज कुरेशी, हुजेर खान, फारूक शेख, समीर सय्यद, फिरोज शेख आदी उपस्थित होते. (छाया/बबलू शेख, नगर.)
