भारतीय हवामान विभाग (IMD) आणि इतर हवामान तज्ज्ञांच्या अंदाजानुसार, उद्या १३ जून २०२५ रोजी महाराष्ट्रात मान्सून पुन्हा सक्रिय होण्याची शक्यता आहे. राज्यातील अनेक भागांत हलक्या ते मध्यम स्वरूपाचा पाऊस पडण्याची अपेक्षा आहे, तर काही ठिकाणी वादळी वाऱ्यासह जोरदार पावसाच्या सरी बरसण्याची शक्यता आहे.
यामुळे शेतकरी, नागरिक आणि प्रशासनाला सतर्क राहण्याचे आवाहन करण्यात आले आहे.कोकणः रत्नागिरी, रायगड, ठाणे, पालघर, मुंबई आणि सिंधुदुर्ग या जिल्ह्यांमध्ये हलक्या ते मध्यम पावसाची शक्यता आहे. काही ठिकाणी विजांच्या कडकडाटासह मुसळधार पावसाचा अंदाज आहे. विशेषतः रत्नागिरी आणि सिंधुदुर्गात पावसाचा जोर अधिक असेल.पश्चिम महाराष्ट्रः पुणे, सातारा, सांगली आणि कोल्हापूर या जिल्ह्यांमध्ये मेघगर्जनेसह हलका ते मध्यम पाऊस पडण्याची शक्यता आहे. पुणे आणि सातारा येथे पावसाचा जोर काहीसा जास्त असण्याची अपेक्षा आहे.
मराठवाडा: बीड, लातूर, नांदेड आणि धाराशिव या जिल्ह्यांमध्ये तुरळक ठिकाणी हलक्या ते मध्यम पावसाच्या सरी कोसळतील. काही भागात वादळी वारे आणि विजांचा कडकडाटही अपेक्षित आहे.विदर्भ: नागपूर, अमरावती, वर्धा, यवतमाळ, गडचिरोली, अकोला आणि बुलढाणा या जिल्ह्यांमध्ये पावसाचा यलो अलर्ट जारी करण्यात आला आहे. बंगालच्या उपसागरातील कमी दाबाच्या पट्ट्यामुळे विदर्भात मान्सून सक्रिय होण्याची शक्यता आहे, ज्यामुळे काही ठिकाणी जोरदार पाऊस पडेल.
उत्तर महाराष्ट्रः नाशिक आणि जळगाव येथे तुरळक ठिकाणी हलका पाऊस पडण्याची शक्यता आहे, परंतु खानदेश आणि इतर काही भाग अजूनही मान्सूनपासून वंचित राहण्याची शक्यता आहे.
