भिंवडीत तीन मजली इमारत कोसळून ८ जणांचा मृत्यू,
30 जण अडकल्याची भीती
मुंबईः भिंवडी शहरात पहाटेच्या सुमारास तीन मजली इमारत कोसळल्याची घटना घडली आहे. या मोठ्या दुर्घटनेत ८ जणांचा मृत्यू झाल्याची माहिती समोर येतेय. या दुर्घटनेची माहिती मिळताच पोलिस आणि एनडीआरएफ टीम घटनास्थळी दाखल झाले असून युद्ध पातळीवर बचावकार्य सुरु आहे. या कोसळलेल्या इमारतीच्या ढिगाऱ्याखाली काही लोकं अडकल्याचा अंदाज व्यक्त करण्यात येत असून त्यापैकी ५ जणांचा मृतदेह बाहेर काढण्यात यश आलं आहे. तर ९ जण गंभीर जखमी झाले असून त्यांना रुग्णालयात उपचारासाठी दाखल करण्यात आलं आहे. आतापर्यंत २५ जणांना सुखरुप बाहेर काढण्यात यश आलं आहे.
