अहिल्यानगर (प्रतिनिधी):-गरोदर पत्नीलाउपचारा करता रुग्णालयात नेत असताना सराईत गुन्हेगारांच्या टोळीने पती पत्नीवर जीवघेणा हल्ला केला असल्याची घटना काल रात्री भिंगार परिसरात घडली आहे. अहिल्यानगर शहरातील भिंगार परिसरातल्या भाग्यलक्ष्मी लॉन च्या मागील रस्त्यावर सावता नगर परिसरात ही घटना घडली आहे. अहमदनगर येथील विकी तनवर व त्यांची गरोदर पत्नी हे दोघेही या हल्यात जखमी झाले असून ज्या वाहनातून हे पती पत्नी रुग्णालयात जात होते त्या वाहनाचे सुद्धा आरोपींनी मोठ्या प्रमाणात नुकसान केले आहे. आरोपीने हवेत गोळीबार सुद्धा केला असल्याचे विकी तनवर यांनी म्हंटल आहे. मारहाणीच्या घटनेत जखमी झालेल्या गरोदर महिलेला उपचारा करता रुग्णालयात दाखल करण्यात आले असून रात्री उशीरा पर्यंत याबाबत भिंगार कॅम्प पोलीस ठाण्यात गुन्हा दाखल करण्याचे काम सुरू होते.
