भावपूर्ण श्रध्दांजली*??भावपूर्ण श्रध्दांजली??* आमच्या अहमदनगर बार असोसिएशनचे एक विद्यमान ज्येष्ठ सदस्य *अँड. किसनराव काशीद साहेब Retd.Colonel.Gorakha Regiment *यांच्या दुःखद निधनाची बातमी समजली. कर्नल काशीद साहेब भारतीय लष्कर सेवेतून सेवानिवृत्त झाल्यानंतर त्यांनी परत सुमारे २४ वर्ष नगर जिल्हा न्यायालयात वकिली केली. कर्नल साहेबांचे घराणे सारोळा तालुका जामखेड येथील एक अति उच्च शिक्षित. कर्नल साहेबांचे मोठे भाऊ , १९७० साली नव्याने सुरू झालेल्या न्यू आर्ट्स अँड कॉमर्स कॉलेजमध्ये माझे भूगोलाचे प्राध्यापक ,भूतपूर्व प्राचार्य नारायणराव काशीद. दुसरे एक बंधू जामखेड येथील काशीद हॉस्पिटलचे प्रसिद्ध डॉक्टर काशीद . कर्नल साहेब सुद्धा एल. एल. बी. झाल्यानंतर वकिली सुरु केलेली असताना लष्करी सेवेत सेकंड लेफ्टनंट म्हणून रुजू झाले आणि कालांतराने कॅप्टन, मेजर, लेफ्ट.कर्नल आणि कर्नल होऊन सेवानिवृत्त झाले. दरम्यानच्या काळात नियमाप्रमाणे वकिलीची सनद तहकूब ठेवून आर्मी जॉईन केली. कर्नल साहेब हे अहमदनगर जिल्हा सहकारी बँकेच्या भूतपूर्व चेअरमन कै. साहेबराव पाटील यांचे जावई. कर्नल साहेबांनी नगर जिल्हा न्यायालयात परत वकिली सुरू केल्यानंतर आमच्या जुन्या जिल्हा न्यायालयातील ,लायब्ररी मध्ये नुसते समवयस्क नाही तर तरुण वकिलांच्या सहवासात बस्तान बसवलं. अतिशय सरळमार्गी मितभाषी आणि प्रसन्न व्यक्तिमत्त्व. प्रत्येकास सहकार्य करण्यास उत्सुक. त्यांच्या वयाचा, पूर्वी लष्करी सेवेत असताना असलेल्या मानमरातबाचा, त्यांनीही कधीही गर्व केला नाही. अतिशय समंजस व्यक्तिमत्व. केंद्र सरकारचा अहमदनगर जिल्ह्याचा सरकारी वकील म्हणून २००३ मध्ये माझी नेमणूक झाली आणि अहमदनगरच्या कार्यरत असलेल्या लष्कराच्या आर्मर्ड कोअर सेंटर किंवा एम. आय . आर .सी असो किंवा व्ही. आर. डी. ई. किंवा सी. क्यु. ए. व्ही. कोणत्याही नगर कोर्टात आलेल्या लष्करातील , लष्करी गणवेशातील माणसाचा माझ्याशी त्वरित संपर्क करून देत आणि त्यांचा आणि माझा सुसंवाद करून देण्याचे मोलाचे काम ते करीत असत. काही वर्षांपूर्वी, एका कोर्ट मार्शलच्या केस मध्ये माझी, पहिल्यांदा प्रोसिक्युटींग कौन्सिल म्हणून नेमणूक झाली. नगरच्या दिवाणी आणि फौजदारी कोर्टातील माझ्या वकिलीच्या अनुभवाशिवाय वेगळ्या फोरम पुढे काम करायचे असल्याने, मला आठवण झाली कर्नल साहेबांची. त्यांच्या जामखेड रोड वरील फार्म हाऊस कम बंगल्यावर त्यांची भेट घेतली आणि त्यांचेकडून प्रोसिजर समजावून घेतले. त्यांनीही अनेक बारकाव्यासह सविस्तर चर्चा करून पहिल्या तारखेला समक्ष हजर राहून माझा उत्साह द्विगुणित केला. त्यांच्या गोरखा रेजिमेंटचा त्यांना अतिशय अभिमान आणि योगायोगाने कोर्ट मार्शल मध्ये सहभागी असलेले बरेच अधिकारी त्या रेजिमेंट मधले असल्याने एक वेगळाच माहोल तयार करून दिला. असे कर्नल अँड. के .ए. काशीद स्वर्गवासी झाले. त्यांच्या आत्म्यास चिरशांती लाभो ही परमेश्वर चरणी प्रार्थना. त्यांचे परिवाराचे दुःखात शहर बार च्या वतीने सहभागी होऊन त्यांना आदरांजली अर्पण करतो. अँड.सुभाष विठ्ठलराव भोर ता.१९ /०८/२०२१अहमदनगर.
ताजी बातमी
सप्टेंबरचा हप्ता विसरा? लाडकी बहिण योजनेबाबत महत्त्वाची अपडेट !, वाचा सविस्तर
महाराष्ट्र सरकारच्या लाडकी बहिण योजनेतील लाभार्थी महिलांसाठी एक महत्त्वाची सूचना समोर आली आहे. योजनेचा पुढील हप्ता मिळवायचा...
शहरात चाललंय काय? भर रस्त्यात कोयत्याने सपासप वार; सात जणांविरोधात गुन्हा दाखल
मित्राला झालेली मारहाण सोडवण्यासाठी गेलेल्या विद्यार्थ्यावर कोयत्याने सपासप वार केल्याची प्रकार घडला. या प्रकरणी सात जणांविरोधात कोतवाली पोलीस...
मराठा बांधवाना दिलासा ! ओबीसी नेत्यांची ‘ती’ याचिका हायकोर्टाने फेटाळली..
मराठा आरक्षण आंदोलक मनोज जरांगे पाटील यांच्या नेतृत्वात मुंबईत मराठा समाजाचे आरक्षणाच्या मागणीसाठी मोठे आंदोलन करण्यात आले....
चर्चेत असलेला विषय
गावठी पिस्टल घेऊन फिरणाऱ्या अल्पवयीन मुलास अटक
औरंगाबाद : वरुड काजी-गंगापूर रोडवर गावठी पिस्टल घेऊन फिरणाऱ्या अल्पवयीन मुलास चिकलठाणा पोलिसांनी सापळा रचून अटक केली. त्याच्याकडून...
iPhone 15 Plus : आयफोनप्रेमींसाठी आनंदाची बातमी! सर्वात मोठ्या सवलतीत खरेदी करा iPhone, पहा...
iPhone 15 Plus : iPhone अनेकांकडे असतात, परंतु काहींना ते जास्त किंमत असल्याने खरेदी करता येत...
उपमुख्यमंत्री अजित पवार यांनी महाराष्ट्र राज्य सहकार परिषदेच्या कार्यालयास दिली सदिच्छा भेट
पुणे, दि. 3 : उपमुख्यमंत्री तथा पालकमंत्री अजित पवार यांनी सेंट्रल बिल्डींग, पुणे येथील महाराष्ट्र राज्य सहकार परिषदेच्या...
सर्वोच्च न्यायालयाच्या निर्देशानुसार कोविड 19 कोविड अनुदानासाठी मदत कक्ष;
कोणती कागदपत्रे करावी लागणार सादर, घ्या जाणून… सर्वोच्च न्यायालयाच्या निर्देशानुसार कोविड 19 कोविड अनुदानासाठी मदत कक्ष; कोणती कागदपत्रे करावी लागणार सादर,...