“फेसबुकवर पोस्ट टाकत “अ.भा.छावाच्या पैठण युवक तालुकाध्यक्षाची एस.टी.बस समोर उडी मारून आत्महत्या
नेवासा – नगर रोडवरील कांगोणी फाटा येथिल घटना.
??♂️ फेसबुकवर व्यक्तिगत आयुष्यात त्रास असल्याची पोस्ट टाकत अखिल भारतीय छावा संघटनेच्या पैठण तालुक्यातील युवक तालुका अध्यक्षाने एस.टी.बस समोर उडी घेऊन आत्महत्या केल्याची धक्कादायक घटना मंगळवारी रात्री नेवासा-नगर महामार्गावरील कांगोणी फाटयाजवळ घडली. या घटनेमुळे पैठण तालुक्यात हळहळ व्यक्त करण्यात येत आहे.
महेश पाटील शिंदे (वय 23) रा.आमरापूर वाघूडी, ता.पैठण असे आत्महत्या करणार्‍या तरूणाचे नाव आहे.
??या घटनेची अधिक माहिती अशी की, गेल्या काही दिवसांपासून महेश हा तणावात होता. मात्र कोणत्या कारणाने तो तणावात होता हे त्याने कुणालाही सांगितले नाही. मंगळवारी संध्याकाळी 6 वाजेच्या सुमारास त्याने फेसबुकवर
‘ आयुष्य खूप छान आहे. पण जवळचे लोक सोबत असतील तर, माझही आयुष्य खूप संदर होतं पण मला कदाचित जगता आल नाही…
खूप प्रेमाचे लोक भेटले…
माझे मित्र तर एवढे की कोणाचा जीव घेतील मी म्हणालो तर …
पण असो, माझ्या आयुष्यात खूप त्रास आहे, जो मी कोणाला सांगू शकत नाही. माझी एक इच्छा आहे, माझ्या मृत्यूला कोणाला जबाबदार धरू नये. मी माझ्या त्रासामुळे मरतोय. माझ्यावर प्रेम करणाऱ्या सगळ्या माझ्या जिवलगांना खूप खूप धन्यवाद. Thank u so much all.’
अशी पोस्ट टाकली. व त्यानंतर काही वेळातच त्याने अहमदनगर-नेवासा मार्गावरील कांगोणी फाट्याजवळ दुचाकी बाजूला उभी करून भरधाव जाणार्‍या एस.टी.बस समोर उडी घेत आत्महत्या केली. महेशला नागरिकांनी तातडीने जवळील नेवासा येथील शासकीय रुग्णालयात हलविले मात्र गंभीरपणे जखमी झाल्याने व अति रक्तस्त्राव झाल्याने तो पर्यंत त्याची प्राणज्योत मालवली होती. वैद्यकीय अधिकार्‍यांनी महेशला मृत घोषित केले. पैठण जवळील मूळ गाव रा.आमरापूर वाघूडी, ता.पैठण येथे आज दुपारी महेशवर अंतिम संस्कार करण्यात आले.
??पोस्ट नंतर अनेकांचे कॉल,
कमेंटच्या माध्यमातून केली विनवणी
संध्याकाळी जेंव्हा महेश ने फेसबुकवर आत्महत्या करीत असल्याची पोस्ट टाकली ती पोस्ट पाहून त्याच्या मित्र, जवळील नातेवाईक अशा अनेक लोकांनी त्याला कॉल करण्याचा प्रयत्न केला मात्र त्याने आत्महत्येपूर्वी मोबाईल बंद करून ठेवला होता. अनेकांनी त्याच्या पोस्टवर कमेंट करून टोकाचे पाऊल उचलू नकोस अशी विनवणी केली मात्र तो पर्यंत त्याने बस समोर उडी घेतली होती.
