- गणेशनगर फाटा, ता. राहाता येथे पैसै न दिल्याचे कारणावरुन रस्त्याने जाणान्या प्रवाशाची हत्या करणारे चार तृतियपंथी आरोपी त्यांचे चार साथीदारासह १२ तासांचे आत जेरबंद, स्थानिक गुन्हे शाखेची कारवाई.
- प्रस्तुत बातमीची हकिगत अशी कि, दिनांक ०५/०९/२०२१ रोजी सकाळचे वेळी फिर्यादी श्री. महेश दिलीप आभाळे, वय- २३ वर्षे, धंदा- खाजगी नोकरी, रा. आभाळे वस्ती, एकरुखे, ता. राहाता यांचे वडील दिलीप आभाळे हे व त्यांचे मित्र निवृत्ती ऊर्फ नंदू चांगदेव क्षिरसागर असे दोघे गणेशनगर येथे पेट्रोल भरण्यासाठी जात असताना गणेशनगर फाटा येथे काही तृतिय पंथीयांनी फिर्यादीचे वडीलांना अडवून पैशाची मागणी केली होती. त्यावरुन तृतियपंथी व फिर्यादीचे वडील यांचेत वाद झाले होते. त्याचा राग मनात धरुन तृतिय पंथीयांनी त्याच दिवशी त्यांचे इतर साथीदारासह एकरुखे गावामध्ये जावून फिर्याद वडील दिलीप आभाळे व निवृत्ती ऊर्फ नंदू चांगदेव क्षिरसागर यांना लाकडी दांडक्याने व लाथाबुक्क्यांनी जबर मारहाण केली होती. त्यानंतर फिर्यादी यांचे वडीलावर औषध उपचार चालू असताना ते दि. १६/०५/२०२१ रोजी मयत झाले. सदर घटनेबाबत फिर्यादी यांनी राहाता पो.स्टे. येथे दिलेल्या फिर्यादी वरुन गुरनं. २५१ / २०२१, भादवि कलम ३०२, १४३, १४७, १४८, १४९ प्रमाणे आरोपी नामे सचिन उत्तम जाधव उर्फ संचिता तमन्ना पवार, रा. श्रीरामपूर व त्याचे नऊ साथीदाराविरुध्द दाखल करण्यात आलेला आहे.
- सदरचा गुन्हा दाखल झाल्यांनतर मा. पोलीस अधीक्षक सो, अहमदनगर, मा. अपर पोलीस अधीक्षक, श्रीरामपूर, मा. उपविभागीय पोलीस अधिकारी, शिर्डी विभाग, पोनि/अनिल कटके, स्थानिक गुन्हे शाखा, अहमदनगर यांनी गुन्हा घडले ठिकाणी एकरुखे, ता. राहाता येथे भेट देवून घटनेची व आरोपींची माहिती घेतली. त्यानंतर मा. पोलीस अधिक्षक सो, अहमदनगर यांचे आदेशाने सदर गुन्ह्यातील आरोपींचा शोध घेणेकामी पोनि/ अनिल कटके यांनी स्थानिक गुन्हे शाखेचे पोलीस अधिकारी व अंमलदार यांचे स्वतंत्र पथक नेमून आरोपींचा शोध घेण्याबाबत सूचना दिल्या. त्याप्रमाणे स्थानिक गुन्हे शाखेचे पोसई/ सोपान गोरे, सफो / मन्सूर सय्यद, पोहेकॉ/ भाऊसाहेब काळे, विजयकुमार वेठेकर, मनोहर गोसावी, पोना/शंकर चौधरी, दिलीप शिंदे, रवि सोनटक्के, संतोष लोढे, पोकॉ/विनोद मासाळकर, रोहिदास नवगिरे, मयूर गायकवाड, चालक पोहेकॉ/संभाजी कोतकर अशांनी मिळून गुन्ह्यातील आरोपींचे ठावठिकाणाबाबत गोपनिय माहिती घेवून व मिळालेल्या माहितीचे आधारे आरोपीतांचा शोध घेवून प्रथम आरोपी नामे १) सचिन उत्तम जाधव उर्फ संचिता तमन्ना पवार, वय- २६ वर्षे, रा. सुभाष कॉलनी, वार्ड नं. ६, श्रीरामपूर यांस ताब्यात घेतले. त्यास विश्वासात घेवून गुन्ह्यातील इतर साथीदार आरोपी बाबत कसून चौकशी केली असता त्याने दिलेल्या माहितीचे व तांत्रीक विश्लेषणाचे आधारे उर्वरित आरोपीतांचा शोध घेवून आरोपी नामे २) विकास दशरथ धनवडे उर्फ रुपाली सलोनी शेख, वय- २५ वर्षे, रा. सदर, ३) आनंद फौजी शेलार उर्फ रुचीरा सलोनी शेख, वय- २० वर्षे, सदर, ४) लक्ष्मण शंकर वायकर उर्फ लक्ष्मी सलोनी शेख, वय- २० वर्षे, रा. इंदीरानगर, कोपरगाव, ५) अभिजीत उर्फ गोट्या बाळू पवार, वय २३ वर्षे, रा. खंडाळा, ता. श्रीरामपूर, ६) गौरव उर्फ सनि भागवत पवार, वय- १९ वर्षे, रा. खंडाळा, ता. श्रीरामपूर, ७) राहूल उत्तम सोनकांबळे, वय- २२ वर्षे, रा. खंडाळा, ता. श्रीरामपूर, ८) अरबाज सत्तार शेख, वय- १९ वर्षे, रा. खंडाळा, ता. श्रीरामपूर या सर्वांना खंडाळा, श्रीरामपूर, नायगाव, कोल्हार अशा वेगवेगळ्या ठिकाणाहून ताब्यात घेतले.
- तसेच वरील नमुद आरोपींचा आणखी एक साथीदार ९) इरफान रज्जाक शेख, रा. खंडाळा, ता. श्रीरामपूर याचा शोध घेतला. पंरतू तो मिळून आला नाही.
- वरील नमुद ताब्यात घेतलेले आरोपीकडे गुन्ह्याबाबत विचारपूस केली असता त्यांनी सदरचा गुन्हा केला असल्याची माहिती दिल्याने आरोपींना राहाता पो.स्टे. येथे हजर करण्यात आले आहे. पुढील कार्यवाही राहाता पो.स्टे. करीत आहेत.
- सदरची कारवाई मा. श्री. मनोज पाटील साहेब, पोलीस अधीक्षक, अहमदनगर, श्रीमती दिपाली काळे मॅडम, अपर पोलीस अधीक्षक, श्रीरामपूर व श्री. संजय सातव साहेब, उपविभागीय पोलीस अधीकारी, शिर्डी विभाग यांचे सुचना व मार्गदर्शनाखाली स्थानिक गुन्हे शाखाचे पोलीस अधिकारी व अमंलदार यांनी केलेली आहे.
