कागल शहरासह विधानसभा मतदारसंघ शंभर टक्के लसीकरणाचा पहिला मतदारसंघ असेल………
कागलचा मोफत लसीकरण उपक्रम महाराष्ट्रासह देशाला पथदर्शी
दानशूर व्यक्ती, संस्था व कंपन्या यांच्या योगदानातून जनतेला मोफत लस…..
कागल, दि.२६:
कागल शहरासह कागल, गडहिंग्लज व उत्तूर विधानसभा मतदार संघ हा शंभर टक्के लसीकरण झालेला पहिला मतदार संघ असेल.
दानशूर व्यक्ती, संस्था, कंपन्या यांच्या योगदानातून सुरू असलेला कागलचा मोफत लसीकरणाचा उपक्रम महाराष्ट्रासह सबंध देशाला पथदर्शी ठरेल.
कागल नगरपरिषद व दि फेडरल बँकेच्या संयुक्त योगदानातून शहरातील नागरिकांना मोफत लसीकरणाच्या अभियानाचा प्रारंभ माझ्या हस्ते झाला. कार्यक्रमाच्या अध्यक्षस्थानी दि फेडरल बँकेचे असिस्टंट मॅनेजर नरहरी कुलकर्णी होते. या उपक्रमांतर्गत शहरातील अठरा वर्षावरील तीन हजार नागरिकांना मोफत लसीकरण केले जाणार आहे.
७० टक्के लसीकरण झाल्याशिवाय देश कोरोनामुक्त होणार नाही. लस ही जरी संजीवनी नसली तरी लसीकरणानंतर धोका कमी आहे, एवढे मात्र निश्चित.
यावेळी केडीसीसी बँकेचे संचालक प्रताप उर्फ भैय्या माने, फेडरल बँकेचे असिस्टंट मॅनेजर नरहरी कुलकर्णी यांचीही मनोगते झाली.
“असे आहे मोफत लसीकरण अभियान…..”
कागल शहरासह कागल,गडहिंग्लज व उत्तूर विधानसभा मतदारसंघ शंभर टक्के लसीकरण होईल, यासाठी प्रयत्नशील आहे. त्यासाठी दानशूर व्यक्ती, संस्था, कंपन्या, सामाजिक संस्था यांच्या सीएसआर फंडातून योगदान घेतले जाणार आहे. प्रमुख कार्यकर्त्यांनीही वाढदिवसाचे औचित्य साधून या उपक्रमात योगदान द्यावयाचे आहे. केंद्र सरकारच्या २५ टक्के लस खाजगी दवाखान्याना विक्री, या धोरणानुसार दवाखान्याकडून या निधीतून लस विकत घेऊन ती जनतेला मोफत दिली जाणार आहे.
यावेळी या अभियानासाठी विशेष सहकार्य झालेले गडहिंग्लजच्या स्वराज्य मल्टीस्पेशालिटी हॉस्पिटलचे डॉ. अजित पाटोळे, केडीसीसी बँकेचे संचालक असिफ फरास, केडीसीसी बँकेचे संचालक प्रताप उर्फ भैय्या माने, माजी नगराध्यक्ष प्रकाशराव गाडेकर, ज्येष्ठ नगरसेवक चंद्रकांत गवळी, पी. बी. घाटगे, डॉ .अमर पाटील, प्रकाश नाळे, सुनिल माळी, संजय चितारी, संजय ठाणेकर, मोहन कुंभार, नगरसेवक प्रवीण काळबर, सौरभ पाटील, विवेक लोटे, सौ. नूतन गाडेकर, सतीश घाडगे, सौ. माधवी मोरबाळे, आनंदा पसारे आदी प्रमुख उपस्थित होते.
स्वागत नगरसेवक प्रविण काळबर यांनी केले. प्रास्ताविक माजी नगराध्यक्ष प्रकाशराव गाडेकर यांनी केले. सूत्रसंचालन निशांत जाधव यांनी केले. आभार नगरसेवक सौरभ पाटील यांनी मानले.
