अल्पवयीन मुलीवर 3 जणांचा बलात्कार, पीडितेनं विष पिऊन संपवले आयुष्य.
सोनपेठ तालुक्यातील 16 वर्षीय मुलीवर त्याच परिसरातील तीन मुले मागील दोन वर्षापासून त्रास देत होते. परभणी, 20 सप्टेंबर : अमरावतीमध्ये (amravati) दोन आठवड्याभरापूर्वी अल्पवयीन मुलींवर (minor girl rape case) बलात्काराची घटना घडली होती. हे प्रकरण ताजे असताना परभणीमध्ये (parbhani) एका अल्पवयीन मुलीवर तीन जणांनी सामूहिक बलात्कार (gang rape) केल्याची घटना घडली आहे. धक्कादायक म्हणजे, पीडित मुलीने बलात्कारानंतर विष प्राशन (drinking poison ) केलं होतं. आज उपचारादरम्यान तिचा मृत्यू झाला.पोलिसांनी दिलेल्या माहितीनुसार, ही घटना 12 सप्टेंबर रोजी घडली होती. जिल्ह्यातील सोनपेठ तालुक्यामध्ये अल्पवयीन महाविद्यालयीन मुलीवर तीन जणांनी बलात्कार केला होता. सोनपेठ तालुक्यातील 16 वर्षीय मुलीवर त्याच परिसरातील तीन मुले मागील दोन वर्षापासून त्रास देत होते. त्यात 12 सप्टेंबर रोजी त्यांनी संबंधित मुलीला तालुक्यातील डिघोळ तांडा परिसरात बोलवून तिच्यावर अत्याचार केले.पीडित मुलगी घरी गेली तेव्हा तिने आपल्यावर झालेल्या अत्याचाराची हकीकत कुटुंबीयांना सांगितलं. तेव्हा सर्वांना एकच हादरा बसला. नातेवाईकांनी तात्काळ पोलीस स्टेशन गाठले आणि तक्रारी दाखल केली. त्यानंतर पोलिसांनी बलात्काराचा गुन्हा दाखल केला आहे. या प्रकरणी पोलिसांनी दोन अल्पवयीन आरोपींना ताब्यात घेतले आहे.
