• शेतकऱ्यांसाठी MahaDBT Farmer ॲप
• कागदपत्रे अपलोड करण्यासाठी कृषी विभागाचे मोबाईल अप्लिकेशन
महा-डीबीटी पोर्टलवर “शेतकरी योजना” या सदराखाली शेतकऱ्यांच्या सोयीकरीता सर्व योजनांचा लाभ “एकाच अर्जाव्दारे” देण्याच्या दृष्टीने अर्ज करण्यापासून ते प्रत्यक्ष लाभ मिळेपर्यंत एकात्मिक संगणकीय प्रणाली विकसित केलेली आहे. या प्रणालीव्दारे शेतकरी त्यांच्या पसंतीच्या शेती निगडीत विविध बाबींकरीता अर्ज करत आहेत. महा-डीबीटी पोर्टलचे http://mahadbtmahait.gov.in/ हे संकेतस्थळ आहे.
महा डीबीटी पोर्टल वर लॉटरी प्रक्रियेतून विविध घटकांचा लाभ घेण्यासाठी शेतकऱ्यांची निवड झालेली आहे. शेतकऱ्यांना कृषी विभागाकडून पूर्वसंमती पत्र प्राप्त झाल्यावर कागदपत्रे छाननीकरीता डीबीटी पोर्टलवर अपलोड करावी लागतात. परंतु कोविड-19 च्या पार्श्वभूमीवर नजीकच्या सामुहिक सेवा केंद्रे, कृषी कार्यालये ई ठिकाणी जाऊन कागदपत्रे पोर्टलवर अपलोड करण्यास गैरसोईचे होत आहे, त्यामुळे पुढील छाननी प्रक्रियेतील विलंबामुळे जलद अनुदान वितरणास मर्यादा येत आहेत. शेतकऱ्यांची सदरची होणारी गैरसोय टाळण्यासाठी कृषी विभागाने “MahaDBT Farmer ” नावाचे मोबाईल अप्लीकेशन तयार केले आहे. शेतकऱ्यांनी स्वत:च्या android स्मार्ट वरुन गुगल प्ले स्टोअरवर जाऊन “MahaDBT Farmer ” हे अप्लिकेशन डाऊनलोड करुन घ्यावे. सदर सुविधा वापरकर्ता आयडी व आधार क्रमांकआधारीतअसल्योन एकाच गावातून स्मार्ट मोबाईल असणाऱ्या शेतकऱ्यांच्या मोबाईलवर सदर अप्लिकेशन डाऊनलोड केल्यास अनेक लाभार्थी त्यावरुन कागदपत्रे अपलोड करु शकतात. सदर कामासाठी आपण आपल्या जवळच्या सामुहिक सेवा केंद्राची मदत घेऊ शकता तसेच यामध्ये कोणतीही तांत्रिक अडचण आल्यास helpdeskdbtfarmer@gmail.com या ई-मेल वर किंवा 020-25511479 या दुरध्वणी क्रमांकावर संपर्क साधावा तरी सर्व शेतकरी बांधवानी “MahaDBT Farmer ” या मोबाईल अप्लिकेशन चा वापर करुन आपली कागदपत्रे लवकरात लवकर अपलोड करावीत.जेणेकरुन अनुदान वितरण प्रक्रिया जलद होईल.
