आरोळे हास्पीटलच्या पॅथ लॅब सेंटरचे पालकमंत्री हसन मुश्रीफ यांच्या हस्ते उद्घाटन
अहमदनगर :- डॉ. रवी आरोळे आणि डाॉ. शोभा आरोळे यांनी कोरोना रुग्णांवर रेमडेसिविर औषधाचा वापर न करता मोफत उपचार केलेले कार्य कौतुकास्पद असून इतरांना प्रेरणादायी आहे असे प्रतिपादन ग्राम विकास मंत्री हसन मुश्रीफ यांनी आज जामखेड येथे केले. त्यांच्या हस्ते आरोळे हास्पीटलच्या पॅथ लॅब सेंटरचे उद्घाटन करण्यात आले त्याप्रसंगी ते बोलत होते. यावेळी डॉ. रवी आरोळे आणि डाॅ. शोभा आरोळे यांनी पालकमंत्र्यांना आरोळे हास्पीटलमधे कोविड रुग्णांना देण्यात येत असलेल्या सुविधांची माहिती दिली.
आमदार रोहित पवार, जिल्हाधिकारी डॉ. राजेंद्र भोसले, जिल्हा परिषद मुख्य कार्यकारी अधिकारी राजेंद्र क्षीरसागर, जिल्हा आरोग्य अधिकारी डॉ. संदीप सांगळे यावेळी उपस्थित होते.
0000
