जिल्हा न्यायालयाच्या आवारात युवकाने घेतले पेटून
अहमदनगर- राहुरी तालुक्यातील एका तरूणाने जिल्हा न्यायालयाच्या आवारात स्वतः ला पेटून घेतल्याची घटना मंगळवारी (दि.१८) सकाळी ११ वाजेच्या सुमारास घडली.ऋषिकेश विठ्ठल ढवण (रा. बाभुळगाव ता. राहुरी) असे त्या तरूणाचे नाव आहे. त्याने स्वतःला का पेटून घेतले याची माहिती समोर आली नसून त्याला पुढील उपचारासाठी जिल्हा शासकीय रुग्णालयात दाखल करण्यात आले आहे
अहमदनगर जिल्हा न्यायालयातील आवारामध्ये यांनी अंगावर पेट्रोल टाकून जाळून घेण्याचा प्रयत्न केला मात्र ही घटना वेळीच लक्षात आल्याने आजूबाजूच्या नागरिकांनी आणि न्यायालयात बंदोबस्त करण्यास असलेल्या पोलिसांनी धावत जाऊन त्या इसमाला वाचवले आहे.यानंतर तातडीने ॲड.सारस क्षेत्रे यांनी प्रसंगावधान साधून तत्काल जिल्हा रुग्णालय येथे संपर्क साधून रुग्णवाहिका बोलावलीआणि त्या इसमास जिल्हा रुग्णालयात उपचारासाठी घेऊन जाण्यात आले आहे. मात्र जिल्हा न्यायालयाची नवीन इमारत झाल्यापासून गेल्या पाच वर्षात ही पहिलीच घटना आहे.
ज्या इसमाने जाळून घेण्याचा प्रयत्न केला त्याचे पती-पत्नीच्या भांडणातून न्यायालयात केस चालू असल्याचं समजत असून या प्रकरणातून जाळून घेण्याचा प्रयत्न केला असल्याची माहिती समजले आहे.
