अहिल्यानगर जिल्हा काँग्रेस कमिटीचे अध्यक्ष श्री. सचिन गुजर यांचे श्रीरामपूर येथे मॉर्निंग वॉकदरम्यान समाजकंटकांनी केलेले अपहरण आणि त्यानंतर त्यांच्यावर झालेला भ्याड हल्ल्याचा तीव्र निषेध व्यक्त करण्यासाठी नगरपरिषद येथे कॉंग्रेस पदाधिकाऱ्यांसह धरणे आंदोलन करण्यात आले.
यावेळी महाराष्ट्र राज्याचे माजी महसूलमंत्री तथा काँग्रेस पक्षाचे ज्येष्ठ नेते श्री. बाळासाहेब थोरात साहेब यांनी याठिकाणी भेट देऊन या गंभीर घटनेचा निषेध व्यक्त केला तसेच श्री. सचिन गुजर यांची भेट घेऊन त्यांच्या प्रकृतीची आस्थेने विचारपूस केली.
अशाप्रकारे हल्ला करून दहशत निर्माण करण्याचा प्रयत्न कोणी करत असेल, तर तो अजिबात सहन केला जाणार नाही.गृहखात्याने या घटनेतील आरोपींना तात्काळ अटक करावी आणि हा भ्याड हल्ला नेमका कोणाच्या सांगण्यावरून करण्यात आला, याचाही खुलासा करावा अशी मागणी प्रशासनाकडे केली.
कॉंग्रेस पक्षाचा पदाधिकारी वैचारिक लढाई लढण्यासाठी सक्षम असून असे भ्याड हल्ले करून कॉंग्रेसच्या सच्च्या कार्यकर्त्यांचा आवाज कदापी बंद करता येणार नाही अशी भूमिका यावेळी स्पष्ट केली.
