नवजात बाळाला शौचालयाच्या भांड्यात ठेवले होते कोंबून, हे बाळ अर्धे भांड्यात तर अर्धे लाईनमध्ये अडकले असल्यामुळे त्याला बाहेर काढणे मुश्किल झाले. त्यातच रक्तश्राव होत होता. हे बाळ अर्धे भांड्यात तर अर्धे लाईनमध्ये अडकले असल्यामुळे त्याला बाहेर काढणे मुश्किल झाले. त्यातच रक्तश्राव होत होता.हे बाळ अर्धे भांड्यात तर अर्धे लाईनमध्ये अडकले असल्यामुळे त्याला बाहेर काढणे मुश्किल झाले. त्यातच रक्तश्राव होत होता.पुणे, 25 मे : पुण्यात (pune) मानवतेला काळीमा फासणारी घटना समोर आली आहे. अनैतिक संबंधातून जन्माला आलेल्या एका नवजात (newborn baby) अर्भकाला आईनेच आपल्या प्रियकराच्या मदतीने सार्वजनिक शौचालयातील संडासच्या (Public toilet) भांड्यात कोंबून ठेवल्याची मन हेलावून टाकणारी घटना पुण्यातील सिंहगडरोड परिसरात घडली आहे. पण, बाळाचे नशीब बलवत्तर असल्यामुळे या बाळाला पोलिसांच्या मदतीने वाचवलं.पोलिसांनी दिलेल्या माहितीनुसार, पुण्यातील सिंहगडरोड परिसरातील वडगाव बुद्रुक येथील तुकाईनगर इथं ही घटना घडली आहे. सार्वजनिक महिला शौचालय समाज मंदिरामागे तुकाई नगर वडगाव इथं एका महिलेने नवजात अर्भकास जन्म देऊन संडासचे भांड्यामध्ये कोंबून ठेवले होते. याची माहिती स्थानिक नागरिकांना मिळाली आणि त्यांनी तातडीने पोलिसांना कळवली.माहिती मिळताच ड्युटीवर असलेले पोलीस अंमलदार माळी व कट्टे यांनी तात्काळ घटनास्थळी धाव घेतली. त्यांनी पाहणी करताच त्यांना येथील महिला शौचालयात असलेल्या संडासच्या भांड्यात हे नवजात अर्भक कोंबलेले रडत असलेले आढळून आले.
