अहमदनगर – घरात घुसून महिलेला मारहाण करत तिचा विनयभंग केल्याची घटना शनिवारी रात्री मंगलगेट परिसरात घडली. याप्रकरणी तरूणाविरूध्द तोफखाना पोलीस ठाण्यात विनयभंग, मारहाण, शिवीगाळ आदी कलमान्वये गुन्हा दाखल करण्यात आला आहे. सोनु ठोंबे (पूर्ण नाव माहिती नाही, रा. मंगलगेट, अहमदनगर) असे गुन्हा दाखल झालेल्या तरुणाचे नाव आहे. पीडित महिलेले फिर्याद दिली आहे.
फिर्यादी या एका खासगी बँकेत नोकरी करतात. शनिवारी रात्री त्या घरी असताना त्यांच्या घरासमोर सोन ठोंबे व मोन्या ठोंबे या दोघा भावाचे आपआपसात किरकोळ स्वरूपाचे भांडण सुरू होते. तेव्हा फिर्यादी यांचा मुलगा त्यांना म्हणाला, तुम्ही रोडवर भांडण करू नका.
याचा राग सोनु ठोंबे याला आल्याने त्याने फिर्यादी यांच्या घरामध्ये प्रवेश केला. फिर्यादी यांचा गळा दाबून त्यांच्याशी गैरवर्तन केले. हातातील फायटरने उजव्या डोळ्याजवळ मारून जखमी केले, असे फिर्यादीत म्हटले आहे. घटनास्थळी सहायक पोलीस निरीक्षक नितीन रणदिवे यांनी भेट दिली.
