भिंगार शहरातल्या प्रबुध्दनगर भागात सुरु असलेल्या एका पत्त्याच्या क्लबवर भिंगार कँप पोलिसांनी नुकताच छापा टाकला. सपोनि प्रविण पाटील यांच्या मार्गदर्शनाखाली करण्यात आलेल्या या कारवाईत २ लाख २० हजार रुपयांचा मुद्देमाल जप्त करण्यात आला असून १७ जणांना अटक करण्यात आली. या कारवाईत पोलीस उपनिरीक्षक शिंदे, पोलीस काँन्स्टेबल राजू सुद्रिक, पो. काँ. मोरे आदींनी भाग घेतला. याप्रकरणी भिंगार कँप पोलीस ठाण्यात रात्री उशिरापर्यंत गुन्हा दाखल करण्याची प्रक्रिया सुरु होती.
