अहमदनगर- 13 फेब्रुवारी रोजी Dysp संदीप मिटके यांना गुप्त बातमीदार मार्फत श्रीरामपुर तालुक्यातील टाकळीभान येथे गावठी हातभट्टी दारू अड्डे व हातभट्टी दारू तयार करत आहेत . अशी खात्रीशीर माहिती मिळाल्याने त्यांनी आपले पथकातील अंमलदार यांना सदर ठिकाणी जाऊन छापा टाकण्याचे आदेश दिले. या आदेशानुसार पथकातील अधिकारी व अंमलदार यांनी टाकळीभान परिसरातील सर्व गावठी हातभट्टी दारू अड्ड्यावर छापा टाकून गावठी हातभट्टी दारू तयार करण्याचे कच्चे रसायन, तयार गावठी हातभट्टी दारू यांचा नाश केला.
या कारवाईत पोलीसांनी बाळू शहादु मोरे रा टाकळीभान तालुका श्रीरामपूर आणि संगीता मच्छिंद्र डुकरे रा. माळेवाडी टाकळीभान तालुका श्रीरामपूर या आरोपींवर गुन्हा दाखल करुन तब्बल 84 हजार रुपयांचे मुद्देमाल हस्तगत केले आहे.
सर्व आरोपींविरुद्ध पोलीस कॉन्स्टेबल नितीन शिरसाठ यांचे फिर्यादीवरून श्रीरामपूर तालुका पोलीस स्टेशन येथे, मुंबई दारूबंदी कायदा कलम 65 ( फ) (क) (ड ) (ई) प्रमाणे गुन्हे दाखल करण्यात आले आहे. अचानक झालेल्या या कारवाईमुळे टाकळीभान परिसरातील अवैध धंदे चालकांचे धाबे दणाणले असून सदर कारवाई चे टाकळीभान येथील महिलांनी Dysp संदीप मिटके व त्यांचे पथकाचे कौतुक करून आभार व्यक्त केले.
सदरची कारवाई मा. श्री. मनोज पाटील पोलीस अधीक्षक, अपर पोलीस अधीक्षक मा. स्वाती भोर यांचे मार्गदर्शनाखाली Dysp संदीप मिटके, ASI राजेंद्र आरोळे,HC सुरेश औटी,PC नितीन शिरसाठ आदींनी केली.
