शेवगाव तालुक्यातल्या गोळेगाव येथे प्रकाश आबासाहेब आंधळे यांच्या राहत्या घराच्या खिडकीचे अज्ञात चोरट्याने गज कापून आंधळे यांच्या पत्नीला काठी आणि लाथाबुक्क्यांनी मारहाण करत ७० हजार रुपये रोख रक्कम आणि १६ हजार रुपयांचे सोन्याचे दागिणे असा ८६ हजार रुपयांचा ऐवज चोरून नेला. दि. २८ सप्टेंबर रोजी रात्री अडीचच्या सुमारास हा प्रकार घडला. याप्रकरणी आंधळे यांनी दिलेल्या फिर्यादीनुसार शेवगाव पोलिसांनी गुन्हा दाखल केला. या प्रकरणी पोलीस निरीक्षक ढिकले यांच्या मार्गदर्शनाखाली सपोनि पावरा हे पुढील तपास करत आहेत.
