पुणे – लष्करातील जवानाने पत्नीच्या त्रासामुळे आत्महत्या केल्याची धक्कादायक घटना वानवडी पोलीस ठाण्याच्या हद्दीत घडली आहे. गोरख नानाभाऊ शेलार (वय २४, सध्या.रा. सैनिक आवास, वानवडी) असे आत्महत्या केलेल्या जवानाचे नाव आहे. या प्रकरणात पत्नीसह सासरकडील व्यक्तींविरोधात पोलिसांनी गुन्हा दाखल केला.
शेलार यांचा भाऊ केशव नानाभाऊ शेलार यांनी यासंदर्भात वानवडी पोलीस ठाण्यात फिर्याद दिली. त्यानुसार शेलार यांची पत्नी अश्विनी तसेच सासरकडील व्यक्तींविरोधात गुन्हा दाखल करण्यात आला आहे.शेलार यांचा गेल्या वर्षी अश्विनी पाटीलशी विवाह झाला होता.
विवाहानंतर त्यांच्यात वाद सुरू झाले. अश्विनीने शेलार यांना त्रास देऊन कौटुंबिक िहसाचार कायद्यावन्ये गुन्हा दाखल करण्याची धमकी दिली होती. याच त्रासामुळे शेलार यांनी चार दिवसांपूर्वी सैनिक आवासातील खोलीत आत्महत्या केली. असे त्यांचे भाऊ केशव यांनी फिर्यादीत म्हटले आहे.
