अहमदनगर- एसटी बसमधून प्रवास करणाऱ्या महिलेकडील दोन लाख १३ हजार रुपये किमतीचे सोन्याचे दागिने चोरीला गेले आहेत. सोमवारी दुपारी साडेतीन वाजेच्या सुमारास शिर्डी ते दौंड एसटी बसमधून प्रवास करताना राहुरी ते अहमदनगर दरम्यान ही घटना घडली आहे.
याप्रकरणी तोफखाना पोलीस ठाण्यात अज्ञात तीन महिलाविरूध्द चोरीचा गुन्हा दाखल करण्यात आला आहे. दिप्ती भास्कर लांडे (वय २१ रा. पद्मानगर, पाईपलाईनरोड, सावेडी, नगर) यांनी फिर्याद दाखल केली आहे.
दिप्ती लांडे या सोमवारी दुपारी अहमदनगरकडे येण्यासाठी शर्डी-दौंड या एसटी बसमध्ये राहुरी येथून बसल्या होत्या. बसमध्ये त्यांच्या शेजारी अनोळखी तीन महिला बसल्या होत्या. त्यांनी दिप्ती लांडे यांचे लक्ष विचलित करून दिप्ती यांच्याकडील स्टिलच्या डब्ब्यात ठेवलेले सोन्याचे गंठण, शाहीहार, झुबे, ठुशी असे दोन लाख १३ हजार रुपये किमतीचे दागिने या तीन महिलांनी चोरून नेली असल्याचे दिप्ती लांडे यांनी दिलेल्या फिर्यादीत म्हटले आहे.
दरम्यान आपल्याकडील दागिने चोरीला गेल्याचे दिप्ती लांडे यांच्या लक्षात न्येताच त्यांनी तोफखाना पोलीस ठाण्यात धाव घेतली. पोलिसांना न्याबाबतची माहिती दिली. तशी फिर्याद दाखल केली असून पुढील तपास पोलीस उपनिरीक्षक समाधान सोळुंके करीत आहेत.
