अहमदनगरच्या श्रीगोंदा तालुक्यातील काष्टी येथे नगर-दौंड रोडवर ऊसाच्या ट्रॅक्टरच्या ट्रॉलीचा आणि चारचाकी गाडीची जोरदार धडक झाली. या अपघातात दौंड येथे कार्यरत असलेल्या आरपीएफ जवान बाबा कारंडे यांचा मृत्यू झालाय. करांडे हे दौंड वरून आपल्या गावाकडे निघाले होते. पहाटेच्या सुमारास ऊसाने भरलेला ट्रॅक्टर रोडने जात असताना ट्रॅक्टरचा अंदाज न आल्याने ट्रॅक्टर आणि चार चाकीची धडक झालीय. या धडकेत आरपीएफ जवान बाबा कारंडे यांचा मृत्यू झाला आहे. यामुळे दौंड रेल्वे पोलीस दलात शोककळा पसरली आहे.
