पुणे – लग्नाची खरेदी करून घरी परत जात असताना पुणे सोलापुर राष्ट्रीय महामार्गावर अज्ञात वाहनाने दुचाकीला पाठीमागून धडक दिल्याने 21 वर्षीय तरुणीचा (Young woman) जागीच मृत्यू झाला . हा भीषण अपघात (Accident) पुणे सोलापुर राष्ट्रीय महामार्गावर बुधवारी सायंकाळी सातच्या सुमारास झाला.
या भीषण अपघातामध्ये प्रतिक्षा सदाशिव कांबळे (21) असे मृत्युमुखी पडलेल्या तरुणीचे नाव आहे. ती लग्नाची खरेदी करून पुणे येथुन आपल्या घरी जात होती.
प्रतिक्षा हीचा अवघ्या काही दिवसानंतर लग्न होणार होते. लग्नाचा काही सामन खरेदी करण्यासाठी ती आपल्या भावासबोत पुणे येथे गेली होती.
सामान खरेदी करुन परत आपल्या घरी येत असताना वरवंड याठिकाणी अज्ञात वाहनाने त्यांच्या दुचाकीला पाठीमागून धडक दिली. या धडकीमुळे दोघेही बहिण-भाऊ रस्त्यावर पडले . तर वाहनाचे चाक अंगावरून गेल्याने प्रतीक्षाचा जागीच मृत्यू झाला. तर तिचा भाऊ शुभम कांबळे हा किरकोळ जखमी झाला आहे.
हा भीषण अपघात झाल्यानंतर वाहन चालक घटनास्थळी न थांबता निघून गेला . रात्री उशिरा या प्रकरणात गुन्हा दाखल करण्यात आला असून पोलीस आरोपीचा शोध घेत आहे.
