महापालिकेमार्फत राबविण्यात येत असलेल्या ‘अमृत’ पाणीपुरवठा योजनेच्या महत्वाच्या कामासाठी तसेच कार्यरत शहर पाणीपुरवठा योजनेवरील इतर महत्वाची दुरूस्तीची कामे करण्यासाठी सोमवारी (दि. २०) सकाळी ११ ते सायंकाळी ६ वाजेपर्यंत शट डाऊन घेण्यात येणार आहे. या काळात मुळानगर, विळद येथून होणारा पाण्याचा उपसा बंद राहणार असल्याने शहर पाणी वितरणासाठीच्या टाक्या भरता येणार नाही. परिणामी शहरासह उपनगरांचा पाणीपुरवठा आजपासून ३ दिवस विस्कळीत होणार आहे.. *मंगळवारी येथे पाणीपुरवठा :* बोल्हेगाव, नागापूर, सावेडी उपनगरातील गुलमोहर रोड पाईपलाईन रोड लक्ष्मीनगर, सुर्यनगर, निर्मलनगर, मुकुंदनगर तसेच केडगाव, नगर-कल्याण रोडवरील शिवाजीनगर परिसरास आज सोमवारी पाणीपुरवठा होऊ शकणार नाही. पाणीपुरवठा हा मंगळवारी (दि. २१) करणेत येईल. *बुधवारी येथे पाणीपुरवठा :*शहराच्या मध्यवर्ती भागास म्हणजेच मंगलगेट, रामचंद्र खुंट, कोठला, झेंडीगेट, जिल्हाधिकारी कार्यालय परिसर, दाळमंडई, काळू ए बागवान गल्ली, धरती चौक, माळीवाडा, कोठी या भागात व गुलमोहर रोड, प्रोफेसर कॉलनी परिसर, सिव्हील हडको, प्रेमदान हाडको म्युनिसीपल हडको, सावेडी, सारसनगर व बुरुडगांव रोड या भागात मंगळवारी (दि.२१) पाणीपुरवठा होणार नसून तो बुधवारी (दि. २२) होईल. *गुरुवारी येथे पाणीपुरवठा :*शहराच्या मध्यवर्ती भागास म्हणजेच सर्जेपुरा, तोफखाना, सिध्दार्थनगर, लालटाकी, दिल्लीगेट, नालेगाव, चितळे रोड, ख्रिस्तगल्ली, माळीवाडा, माणिकचौक, आनंदीबाजार, जुने मनपा कार्यालय परिसर, पंचपीर चावडी, बालिकाश्रम रोड कार्यालय परिसर, पंचपीर चावडी, बालिकाश्रम रोड परिसर, स्टेशनरोड, विनायकनगर, आगरकर मळा व सावेडी इत्यादी भागातील पाणीपुरवठा हा बुधवार ऐवजी गुरुवारी (दि. २३) करण्यात येईल.या काळात पाण्याचा वापर काटकसरीने करून महापालिकेस सहकार्य करावे, असे आवाहन आयुक्त शंकर गोरे यांनी केले आहे.
