अहमदनगर शहरात दोन ठिकाणी हायप्रोफाईल वेश्या व्यवसायावर छापा

अहमदनगर शहरात दोन ठिकाणी हायप्रोफाईल वेश्या व्यवसायावर छापा

तीन पीडित परप्रांतीय महिलांची सुटका ; तीन आरोपी अटक

अहमदनगर- शहरात सुरु असणा-या दोन ठिकाणी सुरु असणारे हायप्रोफाईल वेश्या व्यवसायावर उपविभागीय पोलिस अधिकारी संदीप मिटके यांच्या पथकाने छापे टाकली. या छाप्यामध्ये तीन पीडित परप्रांतीय महिलांची सुटका करून तीनजणांना अटक करण्यात आली आहे.

साविस्तर वृत्त:
जिल्हा पोलिस अधीक्षक मनोज पाटील, अप्पर पोलीस अधिक्षक डॉ. सौरभ कुमार अग्रवाल यांच्या मार्गदर्शनाखाली उपविभागीय पोलिस अधिकारी संदीप मिटके यांच्या सूचनेनुसार कोतवाली पोलिस ठाण्याचे पोनि. संपत शिंदे, तोफखान्याच्या पोनि ज्योती गडकरी, सपोनि समाधान सोळंकी, सफौ. राजेंद्र आरोळे ,पोहेकाॅ सुरेश औटी, पोकॉ. तरटे, अमोल शिरसाट, चेतन मोहिते, गौतम सातपुते, सचिन जाधव, शाहिद शेख, विष्णू भागवत, सुमित गवळी, दीपक रोहकले, मपोकाॅ जयश्री सुद्रिक, प्रियंका भिंगरदिवे आदींच्या पथकाने ही कारवाई केली आहे.
याबाबत समजलेले माहिती अशी की, दि. 25 ऑक्टोबर 2021 रोजी उपविभागीय पोलिस अधिकारी संदीप मिटके यांना अहमदनगर शहरातील वाणी नगर तसेच केडगाव मध्ये अंबिका नगर येथे हाय प्रोफाईल सेक्स रॅकेट वेश्याव्यवसाय करून घेतल्या जात आहे, याबाबत खात्रीशिर बातमी मिळाली. त्याप्रमाणे तोफखाना पोलीस स्टेशन हद्दीतील वाणीनगर, तसेच कोतवाली पोलिस स्टेशन हद्दीतील अंबिकानगर (केडगाव ) परिसरात बनावट ग्राहक पाठवून पंचासमक्ष छापा टाकून 3 पिडीत परप्रांतीय (बंगाली) महिलांची सुटका करण्यात आली आहे.
सपोनि समाधान सोळुंके यांनी दिलेल्या फिर्यादीवरून आरोपी दीपक एकनाथ लांडगे ( वय 30), सागर जाधव यांच्याविरुध्द तोफखाना पोलीस ठाण्यात येथे गुरंन.947/2021 स्त्रियांचा अनैतिक व्यापार प्रतिबंधक कायदा 1956 चे कलम 3,4,5,7,8 प्रमाणे गुन्हा दाखल करण्यात आला असून एका पीडित परप्रांतीय ( बंगाली) महिलेची सुटका करण्यात आली.

पोना शाहिद शेख यांनी दिलेल्या फिर्यादीवरून आरोपी योगेश पोपट ओव्हाळ (रा. माळीवाडा अहमदनगर) याच्याविरुद्ध कोतवाली पोलिस स्टेशन येथे गुरनं 799/2021 महिलांचा अनैतिक व्यापार प्रतिबंधक कायदा 1956 कलम 3,4,5,7,8 प्रमाणे गुन्हा दाखल करण्यात आलेला असून 2 पीडित परप्रांतीय ( बंगाली) महिलेची सुटका करण्यात आलेली आहे.
एकाच वेळी दोन ठिकाणी नियोजनबद्ध पद्धतीने छापा टाकण्याची अहमदनगर जिल्ह्यातील पहिलीच वेळ आहे. या दोन्ही कारवायांची वैशिष्ट्य म्हणजे उच्चभ्रू वस्तीमध्ये भाड्याने फ्लॅट घेऊन महिलांकडून हाय प्रोफाइल वेश्या व्यवसाय करून घेतला जात होता.अहमदनगर शहरामध्ये बऱ्याच काळानंतर या प्रकारची कारवाई करण्यात आलेली आहे या कारवाईमुळे अहमदनगर शहरातील अवैध धंदे करणार्‍यांचे धाबे दणाणले आहे.