सहाय्यक आयुक्त कल्पिता पिंपळे यांच्यावर फेरीवाल्याचा चाकू हल्ला
हल्ल्यात पिंपळे यांची दोन बोटे तुटली,डोक्याला गंभीर जखम
ठाणे दि : ठाणे महापालिकेच्या माजिवडा- मानपाडा प्रभाग समितीच्या सहाय्यक आयुक्त कल्पिता पिंपळे यांच्यावर एका फेरीवाल्याने चाकूचा हल्ला केला. या हल्ल्यात कल्पिता पिंपळे यांच्या डाव्या हाताची दोन बोटे तुटून असून डोक्याला देखील गंभीर जखम झाली आहे. माजिवडा – मानपाडा प्रभाग समितीच्या हद्दीत येत असलेल्या कासारवडवली नाक्यावर त्या फेरीवाल्यांवर कारवाई करण्यासाठी गेल्या होत्या.ठाणे महापालिकेच्या कारवाईच्या दरम्यान अमरजित यादव या फेरीवाल्याकडून पिंपळे यांच्यावर चाकूने अचानक हल्ला करण्यात आला. बचावासाठी त्यांनी हात वर केल्यावर त्यांची दोन बोटेच तुटून पडली. पिंगळे बचावासाठी धावलेल्या अंगरक्षाचेही एक बोट तुटले आहे.कल्पिता पिंपळे यांना ठाण्यातील ज्युपिटर रुग्णालयात उपचारांसाठी दाखल करण्यात आले आहे. तर अमरजित यादव याला पोलिसांच्या ताब्यात देण्यात आले आहे.
